Maxfiylik siyosati

Oxirgi yangilanish: 20.10.2026

Ushbu siyosat FitUp (keyingi o'rinlarda — «FitUp», «biz») Telegram bot, Telegram WebApp va sayt orqali qanday shaxsiy ma'lumotlarni yig'ishi, nima uchun ishlatishi, qancha saqlashi va sizning qanday huquqlaringiz borligini tushuntiradi. Botda «Roziman» tugmasini bosish orqali siz ushbu siyosatga rozilik bildirasiz. Rozilik bermaguningizcha hech qanday ma'lumot qabul qilinmaydi.

Qanday ma'lumotlar saqlanadi

Telegram ma'lumotlari: Telegram ID, ism, familiya, username, til.
Telefon raqam: faqat siz «Raqamni yuborish» tugmasi orqali o'zingiz yuborgan raqam — obunani boshqarish va murojaatlaringizga javob berish uchun.
Profil: jins, yosh, bo'y, vazn, maqsad vazn, faollik darajasi va shular asosida hisoblangan kunlik me'yor.
Kundalik yozuvlar: ovqatlar (nomi, taxminiy gramm, kaloriya va makrolar), mashg'ulotlar, vazn o'lchovlari va ularning vaqti. Shu vaqtlar asosida odatiy ovqatlanish va mashg'ulot vaqtlaringiz hisoblanadi.
Obuna: Pro obuna muddatlari.
Texnik ma'lumotlar: kunlik AI so'rovlar soni (limit uchun) va xavfsizlik jurnallari.

Saqlanmaydi: ovqat rasmlari va ovozli xabarlar. Ular faqat tahlil vaqtida ishlatiladi va bizning serverda saqlanmaydi. Ovozli xabardan olingan matn ovqat yozuvi bilan birga 30 kungacha saqlanadi, keyin avtomatik o'chiriladi.

Ma'lumotlar nima uchun ishlatiladi

kunlik kaloriya va makrolarni hisoblash hamda iste'molni kuzatish;
ovqatlanish va mashg'ulot odatlaringizni aniqlab, o'z vaqtida eslatma yuborish;
obunani boshqarish va xizmat haqidagi muhim xabarlarni yuborish;
xizmatni suiiste'moldan himoya qilish.

Ma'lumotlaringiz reklama uchun sotilmaydi va uchinchi shaxslarga berilmaydi (quyidagi texnik xizmatlardan tashqari).

Uchinchi tomon xizmatlari

Tahlil uchun quyidagi xizmatlarga faqat kerakli ma'lumot yuboriladi:

Anthropic (Claude) — ovqat rasmi yoki matnini tahlil qilish. Ism, telefon raqam yoki vazningiz yuborilmaydi.
OpenAI — ovozli xabarni matnga aylantirish.
Telegram — bot va WebApp ishlaydigan platforma.

Bu xizmatlar ma'lumotlarni o'z maxfiylik siyosatlariga muvofiq qayta ishlaydi.

Saqlash muddatlari

Ovqat, mashg'ulot va vazn yozuvlari — 12 oy, keyin avtomatik o'chiriladi.
Ovqat yozuvidagi xom matn — 30 kun.
2 yil davomida foydalanilmagan (va faol Pro obunasi yo'q) akkaunt — butunlay o'chiriladi.
Texnik jurnallar — 30 kundan 12 oygacha.

Sizning huquqlaringiz

Ma'lumotlarni olish: botda /export buyrug'i yoki WebApp → Profil → «Ma'lumotlarni yuklab olish».
Tuzatish: WebApp → Profil bo'limida profil ma'lumotlarini o'zgartirish, yozuvlarni o'chirish.
O'chirish: botda /delete yoki WebApp → Profil → «Akkauntni o'chirish». Akkaunt va barcha yozuvlar darhol va butunlay o'chiriladi.
Rozilikni qaytarib olish: akkauntni o'chirish orqali.

Xavfsizlik

Ma'lumotlar himoyalangan serverda saqlanadi, ularga faqat shifrlangan (HTTPS) ulanish orqali murojaat qilinadi, admin paneliga kirish cheklangan va jurnalga yoziladi.

Muhim eslatma

FitUp tavsiyalari umumiy ma'lumot uchun va shifokor maslahatini almashtirmaydi. Xizmat 16 yoshdan katta foydalanuvchilar uchun mo'ljallangan.

Aloqa

Savol va murojaatlar uchun: @fitupuzbot. Siyosat o'zgarsa, botda sizdan qayta rozilik so'raladi.